خطورة الاشعة على فنيين الاشعة 2

الجزء الأول انتهي بطرح سؤال وهو:
إيه اللى هيحصل لو اشعة إكس دى مرت خلال جسم الإنسان؟؟🤔
.....
#الجزء_التاني
..
هقولك بقى فيه ٣ أنواع من الأضرار المحتمل حدوثها على مستوى الخلية والأنسجة:
(١)تلف تركيب الخلية ككل واللى طبعا هيخلى الخلية دى تموت علطول لأنها مش هتستحمل الجرعات الكتيرة اللى بتتعرض ليها من الاشعة
فكل ما الجرعة تزيد=عدد الخلايا التالفة تزيد
ولما الجرعة تزيد أوى الخلية هتتلف جامد وتموت، ودا بنشوفه طبعا اما بنتعرض لبعض مصادر الإشعاع القوية مثل القنابل الذرية أو كوارث المفاعلات النووية مثل كارثة شيرنوبل،

وطبعا التلف اللى حصل دا مش هنشوفه من الأشعة التشخيصية لأن جرعات الأشعة التشخيصية ضئيلة جدااا ومش هتقدر تسبب أى تلف بالنسبة للمريض طيب والعاملين ؟؟🤔
بالنسبة للعاملين بقى هقولك إنهم لازم ياخدوا احتياطاتهم اللى قولنا عليها ويلبسوا ملابس الوقاية عشان الأشعة التراكمية دى ممكن تسبب التلف فعلا

(٢)تانى تلف بقى هو التلف اللى بيحصل للمادة الوراثية الDNAداخل نواة الخلية وهنا بقى هنقف شوية 👈عايز اقولك على حاجة إن التلف دا ممكن سيادتك تعالجه بإنك هتصلحه وتتفادى أى أضرار تانية بس لو سيبته كدا هيفضل التلف دا مستمر وهيبدأ بقى ينتقل من خلية للتانية عند التقاسم يعنى إيه؟؟🤔🤔
يعنى سيادتك لو سيبت الخلية وجواها النواة والمادة الوراثية تالفة لما يجى يحصل انقسام هينتجلك خلايا تالفة زى اللى قبلها ماهى مش هتجيب حاجة من بره🤷‍♀️وبرضوا هرجع وأقولك إن تأثير التلف دا بيختلف على حسب الخلية إزاى يعم🤔🤨هقولك أهو استنى بس
بص يسيدى لو الخلية اللى حصل فيها التلف دا خلية جسدية فوجود العيب فى الخلية دى هيسبب تكاثر سرطانى أما بقى لو الخلية من خلايا التكاثر (الخلايا التناسلية)فوجود عيوب بالمادة الوراثية هيسبب ظهور عيوب خلقية فى الأجنة بالمستقبل والتأثير دا بقى بالذات مش بيعتمد على الجرعات لا دا بيعتمد على عدد مرات التعرض للأشعة
.......
#أتمنى_الاستفادة
#حفظكم_الله
#اGTR