_يعنى إيه الاسم دا؟؟🤔
# بص يسطا انا هقولك ال Glossary دا فريق كونه زمايلك شباب وبنات شعبة آشعة فرقة أولى
_طيب ومعنى الإسم إيه بقى؟؟🤔
# استنى بس على رزقك لسه هقولك أهو ركز معايا ي نجم الGlossary دا الفريق اللى بيفسر الصعب اقولك بيفسر المستحيل لإن إحنا شباب فعلا بنتعب ونجتهد ومافيش حاجة قدامنا إسمها مستحيل
_طيب ياترى إيه مجالكم؟؟🤔
#بص فوق يسيدى👀👆وافتكر إننا قولنالك إننا شعبة آشعة يعنى بنهتم بأى حاجة خاصة بالآشعة بدأنا من الصفر بنتعامل مع الشخص اللى بيتعابعنا كأنه إنسان عادى جدااا ميعرفش أى حاجة عن الآشعة زى مافيه طلبة وطالبات كتير ف مجال الاشعة وميعرفوش معلومات عنها يعنى زيهم زى اللى مدرسوش حاجة🤦♀️🤷♀️ طبعا احنا كزملائك وأكتر ناس فاهمينك وعارفين المعلومه توصلك ازاى فهتلاقينا ف فريق ال Glossary بنقدملك المعلومة بشكل مبسط وسهل احنا بنبحث وبندور ع ادق التفاصيل وبنفهمها عشان نوصلك معلومة سهلة وجميلة وموثوق منها
وكمان احنا بنهتم جداا ان معلوماتنا تفيدك ف حياتك يعنى مش بنخرج خارج الإطار لا إحنا بنتعامل معاك كإننا بنعلم نفسنا احنا ف البداية كنا ناويبن المشروع دا نخليه بينا ونجمع معلوماتنا ونفيد نفسنا بس عشان انتوا زملائنا واخواتنا وبنحبكم حبينا نشاركم معلوماتنا وأكيد طبعا لو لاقيتوا أى غلطة أو فايدة تفيدونا بيها مش هتبخلوا لإننا ف الآخر بشر وكل إنسان بيغلط مابالك بقى بينا إحنا كطلبة 😉وسيادتك أكيد عارف دماغ زميلك الفزلوك اللى بيحب يتفلسف😂😂سيبك من الهبد دا كله وخليك معايا يسطا
المهم بقى سيادتك هتشجعنا وتحفزنا وتتابع صفحتنا عشان نجمع أكبر قدر من المعلومات ونقدر نفيدك اكتر واكتر
كدا بقى انت فهمته مقصدنا👌وعرفت وجهة نظر فريق ال Glossary فى إنهم يجمعولك المعلومات الممكنة عن الآشعة واللى بإذن الله تفيدك وتفيدنا فى حياتنا المهنية والعملية😊😊
دا لينك صفحتنا 👈 هنااا
يريت تعمل لايك و See First عشان يوصلك كل جديد عنا وتوصلك معلوماتنا أول بأول ونبدأ صح ونذاكر سوى خطوة بخطوة ونحقق حلمنا ونتخطى الصعاب
G T R
تعليقات
إرسال تعليق